Nde ratypykua (purahéi)

Haihára: Félix Fernández
Pumbasy: José Asunción Flores
 
Epukavymína mitãkuńa che mborayhupára
tahecha jevy nde juru mboypýri nde ratypykua
nde rova yképe ikuãme oikitu va'ekue Ńandejára
ha ipyko'ẽmíva opyta opupu mborayhu ykua.
Ka'aru pytũ jasy tomimbi nde rova yképe
ha hory rupápe tońoańuã ńáne mborayhu
tuka'ẽ ra'ãvo ońondivemi tojeity ojoapére
tojahu hikuái nde ratypykuápe upe ka'aru.
Epukavymína mitãkuńa che py'a ra'ãva
hoy'umisetéko ipepo paráva pe ńahatĩmi
nde ratypykuápe guare ymínte oipy'a jukáva
ha ipepo akãmínte omyakỹsete mokõi panambi.
Ka'aru pytũ jasy tomimbi nde rova yképe
ha ipyko'ẽmi opyta opupu mborayhu ykua
repukavymírõ mitakuńa che mborayhupára
taropurahéi nde juru mboypýri nde ratypykua.

Ńenohẽ hágui: [AMR3:19] - www.guaranirenda.com - 2004

Péva mboyvegua Péva riregua