Asunción del Paraguay (purahéi)

Ñe'ẽpoty: Emiliano R. Fernández
Pumbasy: Santiago Cortessi
 
Ndaikuaái ojehúva chéve, che ko'ẽnte sapy'a
che ygue ygue rei, etereíma ndavy'ái,
ama'ẽ y Paraguaýre, che resa anga ko ikã
ajuségui rohecha, Asunción del Paraguay.
 
Ymaitéma ku guyráicha, aikove iñapytĩmby
iñañáva tekove che pepo anga oikytĩ,
noĝuahéiva che rendápe peteĩ ára tory
che peju va'ẽra po'a, chereru rohechami.
 
Áĝa péina Ñandejára iporámante he'i,
ha peteĩ guyrami, cherendápema ojokuái,
che rupívo ipepo ári, chereru rohechami
amano mboyve jaíre, Asunción del Paraguay.
 
Nendivéma che ko'ẽvo, che pytu arumi jey
che peju yvytu ambue, noĝuahẽivami amoite
omymýi che korasõ, oikovéma che ruguy
oje'omive ichugui, tukumbo rakykuere.
 
Aheja che rembiayhu, jepeve ramo ambyasy
añandúva che jopi, teko rasy chemonguerái
aheja avei che symíme, tapere ha pore'ỹ
ajuségui nderechávo, Asunción del Paraguay.
 
Che rasy techaga'úgui, iñypytũ che rekove
ha amoite javorai guýpe, nahi'ãi chéve amano
ha aru che korasõme, ojehýiva ku pere
ha kyvómante ikatúne, yvotýpe aipohano.
 
Rehendúva apurahéirõ, rehendúva che ñe'ẽ
rehendúva che pyambúrõ, che rova nderehechái
kóina upévare aru, mbykymi ajapo va'ekue
purahéi ndéve ĝuarã, Asunción del Paraguay.
 
Tomimbi mbyja ko'ẽ, tahyapu laurel rakã
toveve pindó rogue, leõmi tosapukái
ñande sy topukavy, tomboveve iñakãhoja
imemby tohovasa, Asunción del Paraguay.
 
Ahetũma ku jazmín, ahetũ avei resedá
ahetũma ku cedrón, che py'a rupi rupi
hyakuãvu Paraguay, ku yvága ja'eha
iporã, nda ijojahái, Juan de Ayolas tapyimi.

www.guaranirenda.com - 2004

Péva mboyvegua Péva riregua