Ytororõ (ńe'ẽpoty)

Haihára: Leopoldo A. Benítez
 
Yvy marãne'ỹme osapukáiva
ńemo'ã mbaraka ha'e ae ipúva
ha y puka arapavẽ'ỹ ohendúva,
tory omboajévo ita vaicha ojojáva.
Hory mińa ipirĩpavẽ hikuáiva
marãndekóma mbyare'yípe oúva;
hu'y rasẽ, mboka sunu, ipyambúva,
verami upépe akói ndopáiva.
Araka'e héra, ińe'ẽ meĝuáva
oipy'a atõivo, Ytororõ, nde réra.
Ombopu ndéicha mbaraka ochachãva.
Ha'e héra nipo ikatu, omońáva,
ndéicha avei, arapavẽ'ỹre nguéra,
he'i nde pýri che mimby oha'ãva!.

www.guaranirenda.com - 2004

Péva mboyvegua Péva riregua