Tesahũ mokõime (ńe'ẽpoty)

Haihára: Ignacio A. Pane
 
Chopĩ haitýpe mokõi oĩva
ndojohejávai maramoite,
peteĩchaitéva hũngue porãme
ha iporãnguetépe katu koĩngue.
Upe hũnguépe he'i jakúpe
ha pyharépe: tapomohũ,
tesapehápe he'i jasýpe
ku oike potávo toroipyru.
Ma'ẽ saguýpe jahechapáma
isla pa'ũme kuarahysẽ,
ha oma'embápe nahesakãiri,
hendy porãnte jasyichaite.
Mba'e mbyasýpe lúto voíva
ha vy'ahápe tory rupa,
ma'ẽ hatãme che mopirĩva,
ma'ẽ mbeguépe che moangaipa.
Omoporãva kuńataĩ nguéra,
jáma hi'áva, jáma hete,
pe pende jára noikotevẽiri,
porã ońohẽgui pendepype.

www.guaranirenda.com - 2004

Péva mboyvegua Péva riregua