Tekomeĝua (ñe'ẽpoty)

Haihára: Gumercindo Ayala Aquino
 
Yvy ári jaguatávo
mayma ñañopia'ã,
ha akóinte ñemihápe
jareko pe tĩgua'ã.
Maymávante jaikovévo
pukavýpe jaikove,
ha mberúicha jajuasávo
jaja'yro ojuehe.
Ñánde rete ñañomívo
aópe ñañemonde,
ha ñande katu iguýpe
popía rapo pire.
Ñánde pire yvopápe
jajohai tapiaite,
ha ñáne ãnga ikotýpe
oñyñýi la ijare.
Mayma potyju rekávo
akóinte ñaneñaña,
ha'ete oñoñemóiva
jaikóva ñañemoaña.
Arapýpe ysóicha
tyryrýpe jaikove,
mbyjápe jahekakuévo
jahesy ñánde rete.
Umi máva iñarandúva
oma'ẽnte yvatete,
ha yvýpe otyryrýva
ikusugue hovake.

Ñenohẽ hágui: [ToR1:119] - www.guaranirenda.com - 2004

Péva mboyvegua Péva riregua