Mombyry guive (ńe'ẽpoty)

Haihára: Félix Fernández
 
Oiméne poku che valle ku akóinte hory pavẽ
ku chévemi ojoguáva hyakuãmbáva ka'aguy
aikovérõ umi aikohárupi che py'ápe aroguatáva
ha manterei rohekáva che pohéi Mbokajaty.
Purahéi ikatumíva kóina oho nderayhupápe
arekóva kańyhápe che kũ guýpeva heńói
ha yvytu che rasapáva ha oĝuahẽva ne rendápe
te'i ndéve nde apysápe nderayhúva nomanói.
Mavaitépa toikuaáne ka'aru ku pytũmbývo
ambopurahéirõ aína che kũ ári che retã
che py'ápepa noiméi che purahéi aikumbývo
amokõ che resaýpe ha arojahe'o che py'a.
Aikuaa che vallemíme aheja va'ekue ajúvo
oimeha reńongatúva iporãva che yvoty
ichupékena memória, ha tosẽ ku ka'arúvo
tomańa kuarahy oikévo rehendu Mbokajaty.

Ńenohẽ hágui: [ToR1:92] - www.guaranirenda.com - 2004

Péva mboyvegua Péva riregua