Mară ĝuară piko che! (ńe'ẽpoty)

Haihára: Leopoldo A. Benítez
 
He'ivami che sy, ahendu,
ymáma, che mitãitépe:
"Ńánde yvypóra apytépe
ãngue Tupãvami ombou".
Umbúpe, ońemombe'u,
hi'ãvo ichupe oje'e
yvápe ĝuarãko nde,
oiko va'ekuevami opárupi
he'i asymíva oikohárupi:
Marã ĝuarã piko che!.
Jasyendýramo, rei,
ndipóri upérupi ohóva:
oiko pyhare oikóva,
árape upéicha avei.
Oky haĝua, ayvu opi,
osunu mombyryete...
upépe ipyahẽ asyve,
urutaúicha osapukái.
Ha'e, vaicha, ombohovái:
Marã ĝuarã piko che!.
Oha'ãróvo ońehenói,
heta ára, pyharépe,
umbu'ãme, tape yképe,
ohasáva omoãngekói.
Peteĩnte —Naha'eńói
ha ipy'a hatãva ra'e—
"Ańaretãme ĝuarã nde"
he'íma ichupe ohasáva.
Ha je akói guivete opáva
Marã ĝuarã piko che!.
Ani nemondýi gua'u
ndéve che reindy, aipóva:
Ãnguéicha avei aikóva,
chemboúvo Mborayhu.
Nde ypýpe ko'áĝa aju,
yvápe vaicháta aime...
Py'apa ani erévo nde,
ha'éramo ndapysápe,
che ãho, che pyahẽhápe:
Marã ĝuarã piko che!.

www.guaranirenda.com - 2004

Péva mboyvegua Péva riregua