Kurusu Yvahái (ńe'ẽpoty)

Haihára: Félix Fernández
 
Rosẽ sapy'aite ore tapỹigui roguatávo,
mokõi ońopehengue, ha roinupã tape puku...
peteĩ tesapirĩme, moõpa che, che mandu'ávo!,
roĝuahẽ aipo "kurusúpe"... ára oguyguy ha ińypytũ.
Ńaimo'ã ko che rete ipirĩ ha osunumbáva,
yvaháigui rohecharõ osãingo ha ojepoity,
aipo póra oje'eha... ko mba'e nde vaipáva,
ha hendýma henondépe ndijavýiva tataindy.
Pe ãngue oikotevẽva, he'i chéve upe che irũ,
pya'evéna eguata, ndaha'éi ńembojaru...
Ekirirĩ, ha tenondéke tereho nde uvei!.
Ndaje osẽva oky potárõ, kuńami po'i puku,
Mariscal rakykuerére ohechauka manterei,
ombyasýgui, oimo'ã'ỹre imanongue va'erã niko!.

www.guaranirenda.com - 2004

Péva mboyvegua Péva riregua