Hi'avakue (ńe'ẽpoty)

Haihára: Darío Gómez Serrato
 
Hi'avakue arekóva ńemimby karameguãme
ndavy'áinte ha anohẽva ahetũ ha amońe'ẽ,
ha ahendúva herami ipotyjera che akãme
ha opońy ha oitypeka che ruguýre hyakuãngue.
Mborayhu ipuraheipy hekovia'ỹva yvy ári
oikovévaicha hi áva ha ojokua che korasõ,
ha ahetũrõ ipore'ỹme oveve hi angapiári
guyratĩicha ku ojoysýire che pyti'águi che'ãho.
Peteĩ pyharevépe hogami kapi'iguýpe
ome'ẽ va'ekue hi'áva omimbi vera asy,
ha he'i chéve ijuru, ha hesa ha ipukavýpe:
"Aipota che mborayhúicha rereko ńongatupy".
Ha upete guive arekóva ndijavýinte aipo ipajéva
che akãguýpe pyharérõ, karameguãme arakue,
che hi'ávante aropáyva, che hi'ávante arokéva
ńaimo'ã ku oisambyhýva ańete che rekove.
Ha mba'e imomorãmby!, ha kuńa che rayhupára!
koichaite peve va'erăpa yvypóra ojoheka,
che py'a rembipota pe hendu amanoha ára:
"Che akãngytárõ hi'áva, yvyguýpe taraha".

Ńenohẽ hágui: [ToR1:109] - www.guaranirenda.com - 2004

Péva mboyvegua Péva riregua