Ha'e ha nde (ńe'ẽpoty)

Haihára: Miguel G. Trujillo
 
Rubiami iporãva, resa jajaipáva,
ohesapepáva,
upévako nde.
Mainumby nde rayhúva,
nde rechamívo oúva,
upéva ha'e.
Tupãsymi iporãva, ojepotáva,
ha orererovy'áva,
upévako nde.
Guyrami opurahéiva ku ko'embotápe,
pe nde apysápe,
upéva ha'e.
Yvoty iporãva, hyakuã jeguapáva,
oipy'a reraháva,
upévako nde.
Mytuẽ rekávo ne rendápe oúva,
hi'ã neretũva,
upéva ha'e.
Yvágape yva imarãngatúva,
nde jurumi ho'úva,
upéva ha'e.
Pykasutĩmi ojohayhúva
ha ojohavi'úva,
ha'e ha nde.

www.guaranirenda.com - 2004

Péva mboyvegua Péva riregua