Che ãngapýpe Tupã (ńe'ẽpoty)

Haihára: Gumercindo Ayala Aquino
 
Arai áripi ahasávo, yvága rehe ama'ẽvo,
mombyry ajesarekóvo, aporandy chejupe:
Mamóiko Tupã oikove. Ha yvytu ahasa kuévo
he'i chéve chapysápe: Ndajahecháico chupe.
Tupãmeko rehekáne yvága ryjúi mimbípe,
jasy, kuarahy ha yvýre, rehecha'ỹre mamove.
Rehekáneko y apére, ńu rovyũ, ka'atýre,
ha'éko kirirĩhápe ne ãngapýpe oikove.
Ha mávapa nde, yvytúre reńe'ẽva chapysápe,
ha eréva aipo oikoha Tupã ko che ãngakuápe.
Ha chéko hína ne ãngapýrinte aikove.
Tupã katu chepype... ne ńe'ã mbopopohára,
rehecha'ỹre ichupe, ha'éku hína nde jára.
Ha'e oiko chepype... ha che pe nde rekove.

Ńenohẽ hágui: [ToR1:115] - www.guaranirenda.com - 2004

Péva mboyvegua Péva riregua