Che ãnga (ñe'ẽpoty)

Haihára: Gumercindo Ayala Aquino
 
Che ãnga repopoitéva che py'apýpe
nañandúiva araka'eve péicha nde popo
térãiko nandejavéima pe nde kotýpe
ha resẽse ichugui rehejávo ha'eño?.
Che añoite anga aikuaa ndéve ojehúva
nde pype reñomíva ñembyasy
vy'a'ỹ ne ñe'ã mbytépe ndesu'úva
ha upéicha reikovéva tyre'ỹ.
Che aveíko che ãnga areko chéve hasýva
ha ndeichaite asẽséma aveve...
aheja ko yvy tatatĩgui henyhéva.
Che ra'arõna... ha ñakayvo oñondive
ñambogue tekotevẽ ñanderesýva
ha javeveteĩ guyramíicha mokõive!

Ñenohẽ hágui: [ToR1:121] - www.guaranirenda.com - 2004

Péva mboyvegua Péva riregua