Kuatiahai jerahauka

Jasypa 10, 2005

Ararundy ohasava'ekuépe (05/10/05) oikókuri aty Comité de Iglesias-pe. Upérõ roñombyaty:

• Prof. Almidio Aquino
• Prof. Milciades Benítez
• Prof. Perla Alvarez
• Prof. Georgina González
• Derlis Ojeda
• Enrique Chamorro
• De las Nieves Domínguez
• Alba Velázquez

Roñomongeta jey kuri kuatiahaipyre ohótava tendotápe. Mbo'ehára Perla Alvarez ohai peteĩ ha oguerúkuri upérõ, avei he'íkuri ombohasa hague opavavépe mohendaha rupi, reguerekórõ rejesarekomi hese áĝa. Avei omombe'u natekotevẽiha ñaguenohẽ kuatia ñaĝuahẽ haĝua Tendota rendápe, jahántemava'erã ha ipa'ũmívo chupe ñanemoingéta hendápe.

Ñanemandu'áke ñañemoĩva'erãha peteĩ ñe'ẽme jahai haĝua kuatiahaipyre Tendotápe. Avei ambue aty oikova'ekue (28/09/05) Comité de Iglesias-pe, ojeporavókuri guarani rahayhuhára apytégui ohóva'erã Tendota rendápe, peñeñandukamína!.

Ñañomongetave haĝua ko'ã mba'ére poipepirũ peteĩ aty oikotavahína arapo, ka'aru po aravo jave, Projéyto Kuatiañe'ẽme. Poha'ãrõmbaitéta!!!.

Liliana de Aquino

Jajepy'amongetami haĝua:

• "Paraguái oñe'ẽva'erã guarani otĩ'ỹre"
• "Paraguái ohechauka isãsoha oñe'ẽvo guarani"