Vy'a pavẽ nendive (purahéi)

Ñe'ẽpoty: Rudi Torga
Pumbasy: César Cataldo
 
Mba'étepa che rekovemi
ndeteínte nde yvága kañy,
nde reságui ijajái saraki
oñomi kuarahy ha jasy.
Tesarái oñuã nde rape
ha ne angapykua kirirĩ,
reipotáva guive hesaite,
mba'étepa che rekovemi!.
Sapy'ánte mborayhu nemokyrỹi
ndereity haĝua upéi pya'e porã,
ipotýrõ kunu'ũ ne mba'erã
ipiru ha oiko chugui ñuatĩ.
Che ñe'ã tyre'ỹmi ijarase,
mamoitépa oime okañy ijararã,
che rekove péina avei mbarakasã,
ohenói nendive vy'a pavẽ.
Mba'étepa che rekovemi.

Ñenohẽ hágui: [AMR1:88] - www.guaranirenda.com - 2004

Péva mboyvegua Péva riregua