Porãsy ñemoñare (purahéi)

Ñe'ẽpoty: Manuel Romero Villasanti
Pumbasy: José Domingo Morínigo
 
Hi'ãiténtevaku chéve añemboja nde ypyetépe
romoĩ che popytépe, romoñe'ẽ tupãsy
anichéne nde pochy ha'ére guaranietépe
reikoha che ñe'ãitépe mbyja ko'ẽ kypy'y.
Oĩ nde juru mboypýri mokõi chepy'a ra'ãva
opa añandymokõva ama'ẽramo hese
ahechárõ ipyko'ẽ ndijavýi ku hokyũva
che pirĩ katueteíva che pýgui che akãmeve.
Tupã nimbo raka'e he'i upe nde apohápe
tamoĩ chupe ko'ápe mokõi ijeguakarã
ha ikuãmema ombokua amo nde juru yképe
ha ha'éma katu upépe ojere nemomorã.
Mba'éicha ore yvypóra rohechagíta ko'ãva
ndejuky ha neporãva Porãsy ñemoñare
itavyete nde rehe mayma umi nde recháva
ha kuimba'e ndeikuaáva rembyatypa nde jehe.
Nde rapicha apytépe kavure'ícha reiméva
nde rehe oko'ipáva ha vokóike ndesegi
oiméne mante voi nde jehe ku rerekóva
rasa nemboka'avóva paje rykue michĩmi.
Purahéipe péina áĝa ahenóita pe nde réra
ha mayma oikuaaséva toñatende cherehe
Bella Luna ndéko ha'e estrella neporãitéva
pytũmbýramo resẽva che valle rehesape.

Ñenohẽ hágui: [AMR3:144] - www.guaranirenda.com - 2004

Péva mboyvegua Péva riregua