Piriri pororo (purahéi)

Ñe'ẽpoty ha pumbasy: Luis Alfredo Coeffer
 
Hi'ãntepa ikatúne
ne mborayhu reme'ẽmo chéve,
hetáma nde rapykuéri
mitã tavýicha aiko akechẽchẽ.
Ajépa neñañaitéma
kuñataĩ che mborayhu jára,
re'áneko che ñuhãme
nemandu'a varã cherehe.
Aipo ndegusta la pirapiremi
piriri pororo, jepevérõ tuja,
toryrýi tososo, tahenda kyrami,
remendáne hese.
Anive rejavy, anive chetenta,
totiri, tosunu, ndéko chemba'erã,
piriri pororópe nacheinteresái,
jajuayhúne ñande.
Hi'ãntepa ikatúne
che purahéi oĝuahẽ ne akãme,
mba'éicha rehayhuvéta
pe tujami kane'õpyre.
Akói ne mitãkuña
tandesaraki jepivérõ guáicha,
re'áneko che ñuhãme
nemandu'a varã che rehe.

Ñenohẽ hágui: [AMR3:44] - www.guaranirenda.com - 2004

Péva mboyvegua Péva riregua