Nendivénte (purahéi) |
||
| Ñe'ẽpoty: Teodoro Salvador Mongelós Pumbasy: Epifanio Méndez Fleitas |
||
|
Nendivénte, nendivénte, chénga aimérõ avy'apáva, ha hi'ánte amo opa ára aĝaguáicha jajoayhu; nendivénte, nendivénte, che ajuhu tory maymáva, ha vokói ndorohecháivo cheaho'i techaga'u. |
||
|
Nendivénte, nendivénte, ko che ánga ipiro'ýva, ha iñasãiva che rapépe opaiteichagua yvyty; nendivénte, nendivénte, che aikove ha cheresãiva, ha ikatúrõ ndeheguínte nahi'ãi chetyre'ỹ. |
||
|
Nendivénte, nendivénte, che aikoséva opaite ára, ha tove ne mborayhúpe tambogue che mbyau'héi; nendivénte, nendivénte, che ajuhúva aipo che yvága, ha upeháre ndéve añóma amosũ [1] che purahéi. |
||
|
Nendivénte, nendivénte, che aime'ỹrõ cheangatáva, ha iko'ẽnga rohayhúgui nderehénte che aguara; nendivénte, nendivénte, toje'éjepe oje'éva, yo jehújepe ojehúva… nendivénte che avy'a. |
||
[1] Amosũ he'iséne "amosusũ", oñemombykýva ojejapo háicha jepi ñe'ẽpotýpe.
 |
 |
 |