Nde resa kuarahy'ãme (purahéi) |
||
| Ñe'ẽpoty: Teodoro Salvador Mongelós Pumbasy: Julián Alarcón |
||
|
Sapy'ántepa ikatúne kuarahy pytu akúgui nde resa kuarahy'ãme aĝuahẽ apytu'umi, ndijavýinteva ku chéve y satĩ opupúva hína amambái roky apytépe nde resakuéra mimi. |
||
|
Pyharépa rehecháva ñasaindy pere perépe jasymi oike ha osẽva araípe oñemo'ã, ha ndave ku upeichaitéva rejere ha rejerévo omimbi ha iñipytũva nde resa kuarahy'ã. |
||
|
Ajuhu mba'e iporãva che py'a guive ahayhúva yvyvpórape omoĩva jeguakáramo Tupã, ysyry rendaguemícha hovyũ ha ipyko'ẽva vevuimínte ahetũséva nde resa kuarahy'ã. |
||
|
Reikuaáma arohorýva reikuaáma mamoitépa sapy'a amanoha ára ikatúne che ñotỹ, che rejántekena Mirna nde resa kuarahy'ãme tosyry jepi anga che ári tapia nde resay. |
||
 |
 |
 |