Ñasaindýpe (guaránia) |
||
| Ñe'ẽpoty: Félix Fernández Pumbasy: José Asunción Flores |
||
|
Ko'ẽ mbotápe che mborayhupára epáy ehendu ko che purahéi, ikatu porãnte ko'ẽramo ára aha mombyry, ndajajoechavéi. |
||
|
Jasy jajaipa che moirũva hína nderóga jerére ohesapepa, "kuchui guyguy" péina ojupíma ne rovetã ári ne mombáy haĝua. |
||
|
Ka'aguy pa'ũ hyakuãmbapa'ỹva pe amo mombyry hovyũmbaite, ha yvytu vevúi ku ko'ẽ oguerúva omo'ãgui ñandéve kuarahy resẽ. |
||
|
Guyra pytã'i ku iñakã potýva péina aguĩete ahendu oñe'ẽ, ndojavýi vaicha ku ipy'a hasýva hakate'ỹmígui anga nderehe. |
||
|
Mbyjami porã ku ojajaipaitéva oje'oikuetévo hata ombogue, peteĩ mbyja ipy'a hatãvéva péina ojepoity ndererahase. |
||
|
Ikatu porãnte ko'ẽramo ára aha mombyry, ndajajoechavéi, ndéramo mbyja che vembiayhupára ajovayvamíne ha aropurahéi. |
||
 |
 |
 |