Ñánde sy (purahéi)

Ñe'ẽpoty: Carlos Federico Abente
Pumbasy: Alejo Benítez
 
Oimépane aje ojuhúva
mborayhu imbaretevéva,
ako ñánde sy ome'ẽva
purahéipe hekomíme,
ñakambúvo mitãmíme
huguyry iñe'ã oñamíva.
Oiméne, ndagueroviái,
ha'eichaite ipy'a rendúva
ha'eichagua iñe'ã rusúva
omohendávo anga'u,
pore'ỹ ha mba'e mbyasy
jahejáva taperére
kepoayhu remimuñáme.
Oimépane aje ikatúva
hesarái poñyharére,
jaguata va'ekue sái jerére
mborayhúpe sãmbyhy.
Neĩ, jaropurahéi
ñánde sy marangatu,
heramínte ne kũmbýre
opa haĝua py'apy.

Ñenohẽ hágui: [AMR3:111] - www.guaranirenda.com - 2004

Péva mboyvegua Péva riregua