Kuña sapara (purahéi)

Ñe'ẽpoty: Antonio Escobar Cantero
Pumbasy: Rodolfo Dami
 
Nde reho guive apyta che'año,
arojahe'o pe ne pore'ỹ,
a kokueheve eremíva chéve
ñande oñoirũrã ára opa peve.
Ndarovia va'erãi che reja hague,
jajoayhu rire, kuña sapara,
panambi muña jahámi va'ekue,
mborayhu meme ñánde rekove.
Aikuaa kuehe oñemombe'u
nderecha hague remuña yvytu,
che katu añesũ, añepomoĩ,
hi'ãnte ajevy vevúi rehetũ.
Ikatu nga'u rejevy jey,
che ndachepochýi ha roha'arõ,
jajoayhu jey, kuña sapara,
ko che korasõ tovy'a jey.

Ñenohẽ hágui: [AMR3:71] - www.guaranirenda.com - 2004

Péva mboyvegua Péva riregua