Ko'ẽmbyju (purahéi)

Ñe'ẽpoty: Celso Ávalos Ocampos
Pumbasy: Osmar Espínola
 
Ñaimo'ã guyra ovevéva, pehendúke tetãguára!
ka'aguýre ipepopúva, hi'aĝui ko'ẽmbyju,
oguerúva ko tetãme tetia'e moingovehára
ñahendúguima ñaína ohasataha pytũ.
Hetaitéma umi tapére povyvýpe jaikovéva,
hetaitéma umi tapére opyta ñandehegui
ñáne irũ itáva rayhúva tetia'épe ha'evéva,
ha pytũgui pytũguýpe opytáva osapymi.
Jajuecha jajokuaágui ñañandu ñáne kytĩva
pe hasy ñandejuvýva ku hi'ã jasapukái,
opoko ñánde retére mbarete ñanderupíva
japoséma tenondévo jahapy ko javorái.
Ha tata rendy opu'ãva yvytúpe hetia'éva
tojuajúma pe ko'ẽndie ojopévo pytũguy,
ha ñasẽvo ipotĩhápe jahupi va'erã umi téra
kuimba'éicha ñorairõme oñohẽ va'ekue huguy.

Ñenohẽ hágui: [AMR1:158] - www.guaranirenda.com - 2004

Péva mboyvegua Péva riregua