Ka'aguy pytu (Purahéi) |
||
| Ñe'ẽpoty: Rudi Torga Pumbasy: Alejandro Cubilla |
||
|
Ka'aguy pyambu (kotyhu) Ka'aguy pyambu rendy ojora ipytu ko'ẽ. Arapy rekove poty, yvypóra pype roime. Ore retã ka'aguy rovyũ, Tupã pype oipota rojoayhu. Ore retã, ore ñe'ã, ko ka'aguy, ko ka'aguy. |
||
|
Roho joa tapére oñondive, vy'a pavẽ romoingove haĝua. Yvy maraẽ'ỹ arapysẽ yma guive romoañete ha'ã. Akói mayma te'ýi anga mbyja. |
||
|
Roipyguara ka'aguy ha ko'ẽ, po'a rape roheka ipype. Teko potĩ techapyrã orereko sambyhyha. Ko tetã jaraite ypykue, peikuaa: ¡Orémi va'ekue!. |
||
|
Guahu (guaránia) Kuimba'e angekói ko yvy pytuhẽ. Ka'aguýpe heñói porayhu añete. Guarani rekove. |
||
|
Omoĩ Ñánde Ru heko remimbo'e. Yvypóra pytu, arapy rekove. Py'a guapy ko'ẽ. |
||
|
Tupã rembipota oĩ ñánde pype. Hesãi ñáne ñe'ã ñahendúrõ iñe'ẽ. Marangatu ykua. |
||
|
Yvága pukavy ñáne ãnga juaju. Teko jekupyty ñánde po'a yvu. Vy'a yvotyty. |
||
|
Guarani rekoite ko tetã pytuhẽ. |
||
|
Kotyhu (kotyhu) Yvytu saraki, ka'aguy purahéi, oveve guyrami, iñe'ẽ ndosovéi. Hetia'e panambi, ysyry ipyahẽ, eiretépe ka'i oka'u guasuete. Ojora hyakuãngue yva ha yvoty... ome'ẽ kyhyje jaguarete pochy. |
||
|
Ka'aguy angekói mombyrýgui ou, pype ñanerenói ñánde retã pytu. Akói pe hyapu oĩ ñandepype, iporã ñahendu ñánde ypy ñe'ẽ. Ka'aguy pytuhẽ ñanemomandu'a, ñánde rapykuere jaheka va'erãha. |
||
|
Tetãgua rekove, ka'aguy pytuhẽ. Jeroky ava, hekove kyre'ỹ. Yvypóra hory. |
||
|
Vy'a apyre'ỹ, ñáne ãnga jegua. Tetia'e osyry. (-Che ndéve rohayhu. -Naiporãi kururu. -Che képe rohecha. -Ndaipotái kerana. -Emboty nde juru. -Chereja, yryvu.) |
||
|
Ore ha'e pe ka'aguy pytu, Tupã ñemoñare jeroviapy. Ore ha'e ko tetã ãngapu, oikóva oipykúi ko arapy. ¡Ore ha'e ko yvy jaraite!. |
||
 |
 |
 |