Ikatu va'erâpa (purahéi)

Ñe'ẽpoty: Carlos Federico Abente
Pumbasy: Alejo Benítez - Adolfo Arregui
Agustín Pío Barrios "Mangore"-pe ĝuarã,
avaite hekópe, yvytu pepóre,
yvóra rapére, mbaraka pyahẽme,
omomba'etéva tetã pumbasy.

 

Ikatu va'erãpa ku che kepeguápe
ipoty kurúva hi ãite guive
apáy javemívo oĝuahẽ hi ára
ha ijapýra endýma mborayhu rata.
Ikatu va'erãpa ñánde pyporépe
jahecha katu jajavy va'ekue
ha tory pa'ũme arandukuaápe
ko ñáne retã ñamomba'ete.
Ñemyrõ ohasárõ tape ipotimbáne
jaipyapy vy'ápe toĝuahẽ arete
ko'ẽ pytangy ku iguata katúva
porã yvosetégui péina itenonde.
Ñañembyatypána ñáne retãmíme
ha py'a guasúpe ñamombarete
toĝuahẽ jasýndie kerasy ipaháva
ha kuarahyetépe jajohesape.

Ñenohẽ hágui: [AMR1:146] - www.guaranirenda.com - 2004

Péva mboyvegua Péva riregua