Che mbo'eharépe (purahéi) |
||
| Ñe'ẽpoty: Teodoro Salvador Mongelós Pumbasy: Epifanio Méndez Fleitas |
||
|
Tamoapesã che ñe'ẽ mayma yvoty rekovia ha ipype toroañua ko che py'a rehyhẽ, hetámi nde chembo'e chemitã'ípe yma ha heta mba'e porã aikuaa nderehae. |
||
|
Upéinte che karia'y, ko'ýte chemandu'a etémi che akãhatã ha heta roipy'apy, sapy'ánte nde pochy, pe che nambi reipoka, ha neipamírõ ĝuarã vokóikema rembyasy. |
||
|
Hetáko nderehae oiko chugui karia'y ha mañaípa itavy osẽ porã joaite, ajépa oiméne ndave revy'a, nde juruvy, rehecháramo ipoty, omimbi nde rapekue. |
||
|
Kokuehe rohecha rehasa mombyrimi, akói nekuñataĩ, ava piko toimo'ã, ha che katu che tuja, osẽ osẽma che atĩ, ha che rova anga icha'ĩ, mbykýma che raperã. |
||
 |
 |
 |