Rohechaga'u Paraguay (ńe'ẽpoty) |
||
| Haihára: Cecilio Valiente Arámbulo | ||
|
Ymáramo jepe roheja Paraguay ha umi vy'a raity nde pype ojajaipáva, ni sapy'a romoĩ'ỹre tesaráipe péina hoky purahéi ndéve ĝuarã vy'ave'ỹ rerekuáva. |
||
|
Aheja va'ekue oho nde pype che rembiayhu, Tupãsy joguahaite, che ahenói pykasumi, ropea jajái asy ińe'ẽmi kunu'ũ ikatúva reńongatu ndémante Paraguay. |
||
|
Che py'a juka asýva, ajejuhu mombyry, tyre'ỹmi kamby uhéicha ndavy'avéi mamove, hi'ãnte chéve aveve, Paraguaýpe aguejy, che pykasumi ryakuãmi che rete tomyenyhẽ. |
||
|
Néina nde pykasumi, pykasumi porãite, reveve va'ekue reho repyta Paraguaýpe, maymáva yvotytýpe ndaipóri nde joguaha, ndémante reju va'erã pono aiko py'apýpe. |
||
 |
 |
 |