Rohechaga'u (ńe'ẽpoty) |
|||
| Haihára: Marcelino Pérez M. | |||
| Hi'ãnte
chéve aveve aguejymi ne rendápe, ańe'ẽmi ndapysápe[1] cheangapyhyha peve. |
|||
| Néina pykasutĩmi che rupi nde pepo ári, ha amo che rembiayhu piári jaha tapytu'umi. |
|||
| Hi'ãnte
chéve guyrami aguejy nde popytépe, ha pe nde rova yképe rohavi'u mbeguemi. |
|||
| Ańenórõ ake haĝua ne ńe'ẽ che myangekói, hi'ãvaicha che renói nendive aimemi haĝua. |
|||
| Máicha moipo[2]
rohayhu ku mombyry reimehápe, mamo ajesarekohápe ne ănguémante ajuhu. |
|||
| Ku ko'ẽtĩmba jave remimbi che resa yképe, ha amo kuarahy reiképe che'ãhomi nderehe. |
|||
| Ndavy'avéi che mamove aime'ỹ guive nde ypýpe, ha upéicha mba'e mbyasýpe nde rayhupápe aikove. |
|||
[1] Ndapysápe he'ise "nde apysápe", ońemombykýva ojejapo háicha jepi ńe'ẽpotýpe.
[2] Máicha he'ise "mávaicha". Moipo katu oĩnte oiporúva, ha he'iséne hína "ramo pipo".
 |
 |
 |