Paraguái rembiasa asykue (ńe'ẽpoty) |
||
| Haihára: Pablo A. Turró | ||
| Hetaite mba'e rire rehasa nde rekovépe ha ivaíva tekove ńuatĩme ndejapi; ahecha, che retãmi, ipoty ne renondépe ha oguejy nde jyva ári pytãngýva ko'ẽtĩ. |
||
| Hetaitéma ndepykua yvypóra ińańáva nemyańa hatã hatãva, jahechápa ndere'ái. Tove! Oiko ne memby nderayhu ańetetéva oipotáva ko'ẽvére nderari ha neresãi. |
||
| Ahecháma nde syváre oguejy nderesapévo kuarahy rata kangýicha omimbíva ko'ẽju; ahecháma avei jasy ojokuái pe pyharére ne rendápe yvytu neańuvã ha neretũ. |
||
| Ajéipo ovy'áne ne memby nderayhupáva, ohecháramo revy'a, neresãi ha nderari. Hípa! Oiméne avei yvatégui Ńandejára opoko ne akãhojáre ha po'ápe ndejapi. |
||
| Ymaitéma che retã reńohẽ nde resay, ha ojoka pe nde ro'o ińańáva tekove; hetaitéma ńenupãme osyryry pe nde ruguy, hesaráinepa umi ojapóva, ndehegui heńói hague. |
||
| Mba'e poku he'íne ńande rukuéra maymáva: Francia, López, Caballero, ohayhu va'ekue tetã; herakuéra ahenóivo yvate ajovayváva ha oguapy ko che py'ápe Paraguái rembiasa. |
||
| Ha! Nde, ore Paraguái, aretéma repońy, ha ońohẽ nde resay ińańáva tekove; epu'ãna, che retã, ehupi nde py'apy, emombo nde kerasy, tavy'a ndereheve. |
||
 |
 |
 |