Ñemitỹhára (ñe'ẽpoty) |
||
| Haihára: Basiliano Caballero Irala | ||
|
Ysapýgui okukuipáva ko'ẽtĩ pytãngymi, ha yvytu piro'ymi nemombáy ha nemoirũ, kuarahýndi oñepyrũ ne rembiapo, pua'ete, ha ombuetia'e nde rete yvága marangatu. |
||
|
Omoirũ ne rembiapo ojajaipáva ysapy, amangy ha kuarahy ha guyra'i opaichagua, pua'ete opu'ã haĝua kóga ra'y reñotỹva, ndijai ku ipaha'ỹva tetãguárape ĝuarã. |
||
|
Tetãgua okaru haĝua nde pórupi isarambi: kurapepẽ ha avati, sandia ra'ỹi ha merõ; nereñandúi kane'õ reime jave nde kokuépe, ha ára ha pyharépe ñánde yvy nepytyvõ. |
||
|
Che py'ápe ipiro'y hera'ỹva tetia'e, ahechárõ nde kokue hovyũ vera asy; che ndive oguerohory nde réra, ñáne retã, ha yvatete, omopu'ã ne rembiapo ñánde yvy. |
||
 |
 |
 |