Jasyjatere (ñe'ẽpoty) |
||
| Haihára: Darío Gómez Serrato | ||
| Jasyjatere kañyhápe oikóva ka'aguy mbytére ohyvi yvytu ha oipovã vy'a ymave guare ikeraguata ko ko'ẽ sorópe ha ogueru ijapére ka'avo ryakuã, ysapy poty ha guyra ñe'ẽ. |
||
| Poriahu asy, ityndyrei opívo ojechágui ipógui osaingo yvyra piru paje rerekua yvytu ko'ẽ ojyky jykýiva ysapy iñakãgui ipysãmi ári ojapajeréivo omimbi joa. |
||
| Peheja toiko ikeraguata anga torypápe ani py'aro ha ñe'ẽ meĝuáme ñaikũsãjopy ikatu va'erãku oime ogueru hi'yvyrakuápe vy'a'ỹ omboguéva ha poyhu ojoráva pohã ka'aguy. |
||
| Tove toĝuahẽ ku hógape guáicha pukavy apytépe ha tohykuavo ipo mokõivépe guyra purahéi péina ave oguerohi'aju va'ekue ka'aguy mbytépe hi'eirapáva yva omongueráva py'aro ha uhéi. |
||
 |
 |
 |