Jahupíke avañe'ẽ (ñe'ẽpoty)

Haihára: Enrique C. Bogado
 
Hyjúima ko che jurúpe, ryke'y maymárõ ykére
Hi'ãite rehe aveínte ñeroyrõ ambokusugue;
Che kũ remói kyre'ỹme purahéi rory apytépe
Mborayhu ko'ẽ ambuére tomoheñói che ñe'ẽ.

 

Mba'ehápa itapykuéva ñane mba'e iporãitéva
Itendeve rãnguéma, karai ñe'ẽgui, yvate;
Pemoingéna pene akãme ko purahéi ha'éva,
Ha maymárõ toryetépe jarohory avañe'ẽ.

 

Ñaha'ãke jepiguáicha purahéi ñambopotýva
Japoi hesakãháre tetãygua tohecha.
Ha iñasãivo arpýpe yvypóra ojaho'íva
Okevéva ko yvy ári ã ñe'ẽme topaypa.

 

Tosoro osorohápe, toñehẽ ñane rembégui
Jahayhúva nande yvýpe purahéi pegua ñe'ẽ
Ñande ykévo tetãygua pytagua reko poguýgui
Ñañotỹ oñoñe'ãme Paraguái mba'etee.

 

Ogueruka oréve Perla Álvarez - www.guaranirenda.com - 2006

Péva mboyvegua Péva riregua