Ára ro'y (ñe'ẽpoty) |
|||
| Haihára: Bartolomé Colmán Estigarribia | |||
|
Ojeréma pe yvytu, hasẽ po'i ohasa; ára ro'y ogueru mboriahu nupãha. |
|||
|
Pe yvága ahecha iñypytũ, hũ vai; kuarahýpe omo'ã pe hovýva arai. |
|||
|
Hapykuéri ogueru aipo "ĝuaimi ñani"; mbya kuéra ijaturu oñeñuvã chovimi. |
|||
|
Yvyra hogue kuipa ndojekuaái yvoty; ojeiko kirirĩmba, nde py'a rehe oguapy!. |
|||
|
Haitymígui nosẽvéi horýva guyrami; omondoho ipurahéi, iro'ýgui anga avei. |
|||
|
Aipo ka'arupytũ mamópa terehecha osẽva ta'yrusu hembiayhúndie oguata. |
|||
|
Pyhare pytévo opa yvytu kyse raimbe; ro'yhomítarõgua y rypy'a háma oñehẽ. |
|||
|
Péva katu mba'ete, kóga ra'y ojukapa; kokueygua etaite jepy'apýpe opyta. |
|||
|
Ro'ýpe ndavy'ái, hi'ãitéma ohasa; iporãve ku mbyry'ái mboriahúvape ĝuarã. |
|||
 |
 |
 |